Fréttir eftir árum

Nemendur í níunda bekk á Íslandi þreyttu stærðfræðipróf þann 8. mars síðastliðinn. Það var eina prófið sem árgangurinn í Varmárskóla náði að klára án þess að lenda í tækniörðugleikum sem urðu hjá Menntamálastofnun. Fresta þurfti prófum í íslensku og ensku en í dag lauk þessum prófum. Próftakan gekk mjög vel. Niðurstöður úr samræmda prófinu í stærðfræði í 9. bekk komu vel út og var skólinn talsvert yfir landsmeðaltali. Hægt að er skoða niðurstöður á slóðinni https://skyrslur.mms.is/

Það var fjölmennur hópur nemenda og starfsmanna sem mættu í úrslitakeppni Skólahreysti þann 3. maí síðastliðinn. Nemendur kepptu við tólf stigahæstu skóla landsins til úrslita. Varmárskóli lenti í áttunda sæti sem er frábær árangur. Við erum stolt af okkar krökkum!

Í dag fengu nemendur 1.bekkja góða gjöf frá félögum í Kiwanis. Þeir komu færandi hendi með hjálma fyrir nemendur í fyrsta bekk. Við þökkum Kiwanis kærlega fyrir góða gjöf og treystum á að nemendur okkar í fyrsta bekk verði duglegir að nýta hjálma þegar þau hjóla út í sumarið.

Dagana 25. og 26. apríl fór fram Vorhátíð Varmárskóla. Nemendur í 1. - 6.bekkja stigu á svið og voru með um samtals fjórar sýningar á tveimur dögum. Foreldrar, forráðamenn, aðstandendur og vinir fjölmenntu og glöddust með nemendum.

Mánudaginn 23. apríl var árshátíð 7. bekkjar haldin í skólanum. Boðið var upp á hamborgaraveislu að hætti Hansa og nemendur í 10. bekk stóðu fyrir skemmtiatriðum og héldu uppi stuði á diskóteki. Kvöldið tókst frábærlega og nemendur skemmtu sér vel.

Miðvikudaginn 25. apríl og fimmtudaginn 26. apríl 2018 er vorhátíð Varmárskóla. Fyrsta sýning báða dagana er kl. 16:30 og seinni sýning er kl. 17:50.

Aðalfundur foreldrafélags Varmárskóla verður haldinn þann 24. apríl nk kl. 18:00 í sal eldri deildar Varmárskóla. Dagskrá aðalfundar: Kosning fundarstjóra og fundarritara Skýrsla stjórnar Skýrsla skólaráðsfulltrúa Skýrsla fulltrúa í svæðisráði Lagabreytingar skv. 12. gr. Reikningar lagðir fram til samþykktar Kosning stjórnar skv. 4.gr. Kosning í skólaráð skv. 5. gr. Árgjald félagsins ákveðið Kosning tveggja skoðunarmanna reikninga Önnur mál

Föstudaginn 13. apríl fóru börnin í 3. ÁH í heimsókn á Bókasafn Mosfellsbæjar. Börnin fengu fræðslu um bókasafnið og þau lærðu hvernig á að leita að bókum. Þau unnu verkefni, lásu síðan bækur, spiluðu og tóku þátt í getraun. Skemmtileg tilbreyting.

Árshátíð nemenda í 8.-10. bekk Varmárskóla fór fram fimmtudagskvöldið 12. apríl og var glæsileg eins og venja er. Nemendur mættu prúðbúnir og mikil gleði og ánægja ríkti í skólanum. Í boði var ljúffengur kvöldverður að hætti Hansa kokks, kalkúnn og lamb og súkkulaðikaka í eftirrétt. Starfsfólk skólans þjónaði til borðs.Yfir borðhaldinu horfðu nemendur á annála bæði starfsfólks og nemenda í 10. bekk auk þess sem stúlkur úr 9. bekk sýndu dansatriði. Leynigestur kvöldsins var rapparinn Flóni og Heiðar Austmann var plötusnúður. Nemendur gátu látið taka af sér myndir í glæsilegu myndaherbergi en afraksturinn má sjá á myndasíðu skólans auk þess sem sjá má myndir frá borðhaldinu.

Varmárskóli er heildstæður grunnskóli sem vinnur í anda uppbyggingarstefnunnar. Skólastarfið er í þremur byggingum, yngri deild, eldri deild og Brúarlandi. Varmárskóli leggur upp með gildi Mosfellsbæjar sem eru virðing, jákvæðni, framsækni og umhyggja. Skólinn er staðsettur í náttúruparadís og lögð er áhersla á nýtingu umhverfis í námi nemenda.