logo
  • Virðing -
  • Jákvæðni -
  • Framsækni -
  • Umhyggja

Fréttir eftir mánuðum

Litlu jólin í Varmárskóla yngri deild

20/12/12

jolaball_yngri_deild (41) (800x600)Litlu jólin í yngri deild Varmárskóla voru haldin 20.desember. Börn og starfsfólk mættu prúðbúið og áttu saman góða stund. Nemendur fimmtu bekkja sáu um helgileikinn, verðlaunahafar í jólasögukeppni 6.bekkja lásu jólasöguna sína, skólakórinn söng nokkur lög og nemendur þriðju bekkja spiluðu á blokkflautur. Að lokum dönsuðu allir í kringum jólatréð með tveimur kampakátum jólasveinum. Nemendur áttu einnig góða stund með bekknum sínum og umsjónarkennara. Sjá myndir á á myndasíðu- Litlu jólin yd

Við óskum nemendum okkar, foreldrum og starfsfólki gleðilegra jóla og farsældar á nýju ári. Hlökkum til að hitta alla aftur á nýju ári.

Stjórnendur

Meira ...

Jólaskemmtun í eldri og yngri deild Varmárskóla 2012

18/12/12

jolakulurMiðvikudaginn 19.desember kl. 19:00 verður jólaskemmtun eldri deildar haldin. Nemendur mæta í umsjónarstofur og hver bekkur snæðir saman kvöldmat og á saman góða stund með umsjónarkennara. Klukkan 20:00 verður dansað í kringum jólatréið og skemmtanir verða á sal. Að því loknu verður jóladiskó til kl. 22:30. Mikilvægt er að foreldrar sæki nemendur að skemmtun lokinni. Eftir jólaballið eru nemendur eldri deildar komnir í jólafrí.

 Fimmtudaginn 20. desember eru stofujól og jólaskemmtun í yngri deild. Skóli hefst að venju kl. 8.10 en lýkur fyrr en vanalega eða kl. 11.50. Boðið er upp á gæslu í skólanum til kl. 13.00. Frístundasel er opið frá 13.00-17.00. Þeir sem eiga nemendur í 1. - 4. bekk eru vinsamlegast beðnir að fylla út gæslublað sem þegar hefur farið heim með nemendum og skila til baka til umsjónarkennara.

Ávextir eru ekki þennan dag en nemendur mega taka með sér "spari nesti" eins og smákökur og gosdrykki. Boðið verður upp á léttan hádegismat.

Gæsla er í skólanum frá 11.50-13.00 og Frístundasel er opið frá 13.00-17.00

Rútur fara kl. 12.00 fyrir þá sem fara ekki í gæslu og kl. 13.10 fyrir þá sem fara ekki í Frístundasel. Ekki eru rútur kl. 16:00.

Skóli hefst að nýju mánudaginn 7. janúar samkvæmt stundaskrá.

Jólakveðja, starfsfólk Varmárskóla

 

Meira ...

Uppskeruhátíð í heimilisfræði hjá 6.bekk

13/12/12

uppskeruhatid (4) (800x600)Fimmtudaginn 13. desember var síðasti hópurinn í 6.bekk með uppskeruhátíð sína. Allir sjöttu bekkirnir í vetur hafa haldið svona boð og boðið einum gesti með sér. Nemendur elduðu ilmandi grænmetissúpu, bökuðu brauð, pizzasnúða og höfðu til grænmeti, egg og ost. Í eftirrétt gæddu gestir sér á brownies súkkulaðibitakökum og sumir hverjir fengið sér kaffisopa með. Uppskriftirnar má finna á vef Guðrúnar heimilisfræðikennara: http://www.internet.is/sameinud/default.html. Sjá fleiri myndir á myndasíðunni: 6.b. uppskeruhátíð.

Meira ...

Jóladagatal vísindanna

13/12/12

Verkfræði og náttúruvísindasvið Háskóla Íslands hefur opnað vísindajóladagatal. Þarna eru margar áhugaverðar tilraunir. Endilega kíkið á þetta:

http://www.hi.is/verkfraedi_og_natturuvisindasvid/joladagatal_visindanna

Meira ...

1-IE föndrar rjúpur

07/12/12

1b_rjupurNemendur í 1-IE deyja ekki ráðalaus með rjúpuleysi um jólin. Þau hafa verið að búa til sínar eigin rjúpur úr eggjabökkum og dagblöðum en verkefnið er hluti af náttúrufræðinámi.

Fleiri myndir á myndasíðunni: 1-IE og rjúpurnar.

Meira ...

Gaman Saman á aðventunni.

04/12/12

SAMAN í desemberAðventan er tími til að njóta samveru. 
Saman hópurinn hefur gert dagatal með einföldum hugmyndum að samveru. 

Meira ...

Þessi síða notar vafrakökur Lesa meira