logo
  • Virðing -
  • Jákvæðni -
  • Framsækni -
  • Umhyggja

Fréttir eftir mánuðum

Litla upplestrarkeppnin hjá 4.bekk í Varmárskóla

29/05/18Litla upplestrarkeppnin hjá 4.bekk í Varmárskóla
Litla upplestrarkeppnin var haldin í sjötta sinn í Varmárskóla og stóð frá mars - maí. Hátíðin var fyrst haldin í Hafnarfirði árið 2010. Keppnin fer fram í fjórða bekk og keppa nemendur fyrst og fremst við sjálfan sig. Markmið keppninnar er að: - Vekja athygli og áhuga í skólum á vönduðum upplestri og framburði. - Leggja markvissa rækt við einn þátt móðurmálsins. - Fá alla nemendur til að lesa upp, sjálfum sér og öðrum til ánægju. - Að hver og einn bæti árangur sinn í upplestri og sé því í raun og veru að keppa við sjálfan sig til að ná því takmarki. Það keppast allir við að gera sitt besta og verða betri í dag en í gær.
Meira ...

Heimsókn verðandi 1. bekkinga í Varmárskóla

28/05/18Heimsókn verðandi 1. bekkinga í Varmárskóla
Kæru nýnemar sem stígið nú ykkar fyrstu skref í grunnskóla og foreldrar/forráðamenn Fimmtudaginn 31. maí langar okkur að bjóða ykkur í heimsókn, það er verðandi nemendum í 1. bekk ásamt foreldrum/forráðamönnum.
Meira ...

Yfirlýsing frá starfsfólki Varmárskóla

25/05/18
Starfsfólk Varmárskóla harmar þá neikvæðu umræðu sem hefur átt sér stað um skólastarfið í aðdraganda sveitarstjórnarkosninga og þykir brýnt að það verði ekki bitbein pólitískrar umræðu í bænum. Skólinn er vinnustaður rúmlega 800 nemenda og á annað hundrað starfsmanna. Við hvetjum til þess að stuðlað verði að því að friður ríki um skólastarfið svo nemendur og starfsmenn skólans fái að sinna námi sínu og starfi. Munum að jákvæð og uppbyggileg umræða um skólastarfið er heillavænlegri til að byggja upp jákvætt skólasamfélag. Starfsfólk Varmárskóla
Meira ...

2.bekkur fór í bæjarferð

23/05/182.bekkur fór í bæjarferð
Nemendur í 2.bekk Varmárskóla gerðu sér bæjarferð föstudaginn 18.maí og heimsóttu m.a. Alþingi og gengu um ráðhúsið. Ferðin gekk mjög vel og voru öll börnin sér og skólanum til sóma. Gengið var um miðbæinn og sungu nemendur 2var sinnum Krummi svaf ì klettagjá fyrir gesti og gangandi og hlutu börnin mikið lof fyrir. Kveðja kennarar ì 2.bekk
Meira ...

Góður árangur í Byrjendalæsi hjá 1.bekk

14/05/18Góður árangur í Byrjendalæsi hjá 1.bekk
Fyrsti bekkur hefur í vetur tekið skimunarprófið Læsi. Það samanstendur af þremur prófum og það síðasta var nú lagt fyrir í apríl. Skólar sem taka þátt í Byrjendalæsi taka þessi próf og var nemendafjöldi í þessum skólum í fyrsta bekk 1017 nemendur. Þar af tóku 952 nemendur þetta próf af landinu. Almenn viðmið um viðunandi árangur er 61% og þar yfir. Árangur Varmárskóla var mjög góður en viðunandi árangri þ.e. yfir 61% náðu 87% nemenda skólans en á landinu er talan 70%.
Meira ...

Góður árangur í samræmdu stærðfræðiprófi í 9.bekk hjá Varmárskóla

08/05/18
Nemendur í níunda bekk á Íslandi þreyttu stærðfræðipróf þann 8. mars síðastliðinn. Það var eina prófið sem árgangurinn í Varmárskóla náði að klára án þess að lenda í tækniörðugleikum sem urðu hjá Menntamálastofnun. Fresta þurfti prófum í íslensku og ensku en í dag lauk þessum prófum. Próftakan gekk mjög vel. Niðurstöður úr samræmda prófinu í stærðfræði í 9. bekk komu vel út og var skólinn talsvert yfir landsmeðaltali. Hægt að er skoða niðurstöður á slóðinni https://skyrslur.mms.is/
Meira ...

Varmárskóli endaði í 8.sæti í Skólahreysti

03/05/18Varmárskóli endaði í 8.sæti í Skólahreysti
Það var fjölmennur hópur nemenda og starfsmanna sem mættu í úrslitakeppni Skólahreysti þann 3. maí síðastliðinn. Nemendur kepptu við tólf stigahæstu skóla landsins til úrslita. Varmárskóli lenti í áttunda sæti sem er frábær árangur. Við erum stolt af okkar krökkum!
Meira ...

Þessi síða notar vafrakökur Lesa meira