Vikufréttir Varmárskóla 19.apríl 2024

Það er alltaf jafn gaman í Varmárskóla. Oftast reynum við að birta myndir úr verkgreinum eða af einhverju öðru verklegu starfi, þær eru oft meira spennandi. En það er ekki síður gaman að sjá hversu góðir krakkarnir okkar eru og sjálfstæðir í vinnubrögðum. Það sér maður þegar maður gengur um ganga skólans og allsstaðar eru börn að vinna. Þessir kátu krakkar í 4.bekk voru ýmist að vinna í íslensku eða stærðfræði í morgun. Allir iðjusamir og duglegir að æfa sig. Það er svo miklvægt að vera duglegur að æfa sig því þannig eykst færni manns við allt sem mann langar að gera, hvort sem það er að spila fótbolta, leika á hljóðfæri eða verða flinkari að lesa. Eitt af vinnumarkmiðum okkar er að láta nemendur finna að þeir séu duglegir því það er mesta hvatningin til framfara.

Næsta vika verður í styttri kantinum. Á miðvikudag er skertur skóladagur hjá 3.-6.bekk, foreldrar hafa fengið póst um það, sem við minnum á að þarf að svara, á fimmtudag er sumardagurinn fyrsti og því frídagur og á föstudag er starfsdagur.

Starfsfólk skólans er á leið í námsferð til London þessa daga þar sem við munum kynna okkur aðferðir leiðsagnarnáms.

Hafið það gott um helgina

Starfsfólkið í Varmárskóla