Vikufréttir Varmárskóla 12.janúar 2024

Skemmtilegasta frétt þessarar viku er að nú er búið að skrifa undir verksamning um fyrsta áfanga nýrrar skólalóðar við Varmárskóla. Í þeim áfanga verður gerður nýr battavöllur við vesturgafl hússins. Völlurinn verður lýstur og upphitaður. Þá fylgja með í kaupunum ljósaleikir sem munu koma á gaflinn. Við erum mjög ánægð með þetta og vonum allt standist og völlurinn verði klár í haust.

Okkur langar að hvetja foreldra til að horfa á klippu úr fréttum rúv í gær. Það er svo auðvelt að markaðssetja efni fyrir börn og óharðnaða unglinga og það er okkar, fullorðna fólksins, að vernda þau fyrir því eins og öðru. Stundum þarf að gera börnum ljóst að það sem þau langar er ekki það sem er best fyrir þau. Í gær snerist þetta um húðvörur sem ungar stúlkur nota í miklum mæli og það þannig að þær eru beinlínis farnar að skaða á sér húðina. Við heyrum þessa umræðu allt niður í 3.bekk hjá okkur og því er ástæða til að vera vel á verði. Hér er hlekkur á frétt rúv, umfjöllunin byrjar á 17:48 https://www.ruv.is/sjonvarp/spila/frettir-med-taknmalstulkun/31575/agak9r

Hafið það gott um helgina