logo
  • Virðing -
  • Jákvæðni -
  • Framsækni -
  • Umhyggja

Vikufréttir Varmárskóla

29.04.2022

Vorið er klárlega komið þó að kannski sé fullsnemmt að treysta á gott veður ennþá. Margir bekkir hafa nýtt blíðuna til útiverkefna og fjölbreyttra leikja.  Margir nemendur koma nú hjólandi eða gangandi í skólann sem er bæði hollt og gott. Það er mikilvægt að nemendur sem koma á hjólum gæti þess að hafa hjólin læst því við höfum ekki aðstöðu til að geyma hjól inni. Þá er einnig mikilvægt að þið, foreldrar, farið yfir reglur um umferðaröryggi með börnum ykkar og hjálpið þeim að velja öruggustu leiðirnar í skólann. 

Í vikunni héldum við rýmingaræfingu og fengum ráðgjafa til að meta hvernig gengi hjá okkur og hann var mjög ánægður með hvernig gekk að rýma skólann og veitti okkur góðar ábendingar um skipulag rýmingar.

Þá funduðu skólaráð og stjórn foreldrafélagsins saman í morgun um fyrstu tillögu frá framkvæmdasviði að endurbótum á skólalóð Varmárskóla. Á fundinum komu fram margar góðar tillögur sem sendar verða framkvæmdasviði Mosfellsbæjar.

Að lokum viljum við minna á að Vorhátíð Varmárskóla verður haldin með hefðbundnu sniði dagana 1. og 2. júní.

Hafið það gott um helgina

Starfsfólkið í Varmárskóla

Til baka

Myndir með frétt

Þessi síða notar vafrakökur Lesa meira