logo
  • Virðing -
  • Jákvæðni -
  • Framsækni -
  • Umhyggja

Vikufréttir Varmárskóla

19.11.2021

Það sem af er haustannar höfum við verið að vinna við að uppfæra skólareglurnar okkar og nú er þeirri vinnu lokið. Við setjum reglurnar fram í átta liðum og köllum þær ,,Áttavita Varmárskóla" því þær vísa okkur veginn um góða framkomu sem verður til gagns fyrir okkur sjálf og samfélagið okkar, mynd af Áttavitanum fylgir með fréttinni. Nemendur hafa svo verið að vinna með reglurnar á margvíslegan hátt og með þessari frétt fylgir ein mynd af vinnu fyrsta bekkjar. Við vitum að ef öllum tekst að fara eftir þessum reglum verður lítið um árekstra í skólanum og samfélaginu og það er okkar að hjálpa þeim nemendum sem eiga í erfiðleikum með það. Munum að það er í lagi að gera mistök, en maður verður að læra af þeim, það reynist sumum erfiðara en öðrum en þá er það okkar, fullorðna fólksins, að gefast aldrei upp við að hjálpa barni að læra betri leiðir.

Við höfum einnig verið að herða okkur í réttri meðferð á sorpi og við að reyna að minnka matarsóun. Matur sem gengur af í mötuneytinu er nú vigtaður á hverjum degi og markmið okkar er að minnka það sem fer í ruslið þar um 25%. Ef það tekst á tilskildum tíma verður poppveisla í skólanum.  Við erum líka að bæta meðferð okkar á sorpi almennt og nemendur 6.bekkjar hafa tekið að sér að vera sérlegir ,,sorp-ambassadorar" í skólanum. Þeir fara um skólann á föstudögum og safna saman endurvinnslusorpi úr öllum skólastofum og af skrifstofum og koma því svo í réttan gám. Á meðfylgjandi myndum má sjá stolta og glaða nemendur að sinna því hlutverki.

Hafið það gott um helgina

Starfsfólk Varmárskóla

Til baka

Myndir með frétt

Þessi síða notar vafrakökur Lesa meira