Fréttir frá Varmárskóla 12. ágúst 2021

Skólasetning verður þriðjudaginn 24.ágúst og munu árgangar koma á ólíkum tímum og byrja á að hitta okkur á sal skólans. Þetta verður nánar auglýst mjög fljótlega.

Við viljum að þið vitið að það er margt í gangi hjá okkur og meðal annars nokkur verkefni vegna skiptingar skólanna sem enn er verið að skoða bestu lausnir á en þau mál eru öll komin í farveg.

Þá eru framkvæmdir við skólann, verið er að skipta um glugga í álmu þar sem eru nemendur 1.-3.bekkjar og eins og oft vill verða hefur það verk dregist aðeins og fyrir því eru ýmsar óviðráðanlegar ástæður. Meðal annars komu ekki réttir gluggar í einn hluta álmunnar og það varð ekki ljóst fyrr en átti að fara að setja þá í. Við erum í góðu samstarfi við verktakann og höfum fengið frá honum áætlun um hvernig vinnan verður næstu daga. Hann ætlar að leggja alla áherslu á að vera búinn að ganga frá inni fimmtudaginn 19.ágúst, þó með bráðabrigðalausnum sem notast verður við meðan beðið er eftir nýjum gluggum. Þá höfum við samið við hann um að sú vinna sem þarf að fara fram eftir skólastarf hefst, verði unnin eftir hádegi þannig að hún trufli nám og kennslu sem minnst. Við erum auðvitað glöð að fá nýja glugga og þessar framkvæmdir verða sannarlega til bóta þegar þeim verður lokið.

Bestu kveðjur og ég hlakka til að hefja samstarf við ykkur sem eruð í skólasamfélagi Varmárskóla.

Jóna Benediktsdóttir
Skólastjóri Varmárskóla