logo
  • Virðing -
  • Jákvæðni -
  • Framsækni -
  • Umhyggja

Börnin okkar í umferðinni

14.01.2016

Rétt er á nýju ári að rifja upp með börnum helstu umferðarreglur sem þau þurfa að þekkja og nýta sér til að tryggja öryggi sitt í umferðinni.

Kennum börnum:

  • öruggustu leiðina milli heimilis og skóla                                                  
  • öruggustu leiðina milli heimilis og vina  
  • öruggustu leiðina milli heimilis og tómstundaiðkunar  
  • að öruggasta leiðin er sú leið þar sem farið er yfir fæstar götur  
  • að nota endurskinsmerki  
  • að fara yfir gangbraut  
  • að nota gangbrautarljós  
  • að fara yfir vegi þar sem hvorki er gangbraut né gangstétt  
  • að nota öryggisbúnað í bíl  
  • reglur í kringum skólabíl og strætó  
  • að nota öryggisbúnað á reiðhjóli, hlaupahjóli og línuskautum  
  • að leika á öruggum leiksvæðum
  • að stilla hjálminn rétt

Fullorðnir eru fyrirmyndir

Kennum börnum að virða umferðarreglur, sýna tillitssemi og ábyrga hegðun í umferðinni. Verum meðvituð um að fullorðnir eru fyrirmyndir barna. Börn læra meira af því sem fullorðnir gera en því sem þeir segja.

Keyrð í skóla

Ef börnum er ekið í skólann eykst umferð í kringum skólasvæði. Nauðsynlegt er að gæta vel að því hvar barni er hleypt út úr bílnum því ekki má stoppa þar sem hætta getur skapast fyrir barnið eða önnur börn. Alltaf skal hleypt út þeim megin sem gangstéttin er, aldrei út á akbraut.

 

Til baka

Þessi síða notar vafrakökur Lesa meira