Síðasta skóladaginn í vor spiluðu nemendur í 8. bekk saman félagsvist en kennarar þeirra ákváðu að kenna þeim spilið auk þess sem tveir bekkjanna höfðu þegar fengið kennslu á foreldrakvöldi. Spilið gekk vonum framar og krakkarnir skemmtu sér vel. Stefnan er svo að halda áfram spilamennskunni þegar tækifæri gefst næsta skólaár. Þrjú fyrirtæki í bænum gáfu vinninga í spilið og við þökkum KFC, Snælandi og Daníelsbita kærlega fyrir að styrkja okkur. Hér má sá myndir af krökkunum við spilamennskuna.