logo
  • Virðing -
  • Jákvæðni -
  • Framsækni -
  • Umhyggja

Opið hús í Varmárskóla 2. - 10. bekkur

15.09.2013

Miðvikudaginn 18. september verður opið hús í Varmárskóla á milli kl. 8:15-9:30.

Í yngri deild verður hver bekkur með sínum umsjónarkennara. Námsefni og kennslugögn verða til sýnis og nemendur vinna sem mest sjálfstætt. Foreldrar eru hvattir til að ganga um, kynna sér starfsumhverfið og heilsa upp á starfsfólkið.  

Í eldri deild munu nemendur úr 10. bekk taka á móti gestum er þeir koma í skóla og bjóða þá velkomna.  Nemendur eru tilbúnir að ganga með gestum um skólann sinn og kynna hann.

Allar kennslustofur verða opnar, ásamt því að námsefni verður til sýnis og munu nemendur vinna sem mest sjálfstætt svo gestum er velkomið að líta inn í stofurnar.

Kennarar og nemendur skólans eru tilbúnir í spjall og umræður.  Verið því óhrædd við að spyrja spurninga eða spjalla við nemendur og kennara um námsefnið og skólastarfið. 

Aðilar sem koma að tómstundum nemenda verða með kynningu á sinni starfsemi á sal.

Í lokin býður skólinn gestum upp á kaffi og rúnstykki á kaffistofunum.

Við hlökkum til að sjá ykkur á miðvikudaginn.
Starfsfólk og nemendur Varmárskóla

Til baka

Þessi síða notar vafrakökur Lesa meira