Fréttir

Varmárskóli tók þátt í lífshlaupinu dagana 2. - 22. febrúar 2011. Nemendur og starfsmenn voru hvattir til að hreyfa sig og skrá niður alla hreyfingu. Nemendur Varmárskóla lentu í 3. sæti í sínum flokki og erum við himinlifandi að lenda enn og aftur á verðlaunapalli en það hefur verið raunin hjá okkur síðan 2008!

Bergþór Pálsson söngvari og "lífskúnstner" flutti fyrirlestur sinn um kurteisi og borðsiði fyrir foreldra og nemendur í 6.bekk þriðjudaginn 29.mars sl.

Nemendur í 6. bekk hafa verið í samstarfi með  6. bekk í Lágafellsskóla,  Kjósarsýsludeild Rauða krossins og Eirhömrum, þjónustuíbúðum aldraðra í Mosfellsbæ að brúa bilið milli yngri og eldri borgara Mosfellsbæjar.

Nýverið var haldin stærðfræðikeppni fyrir grunnskólanemendur úr Grafarvogi, Árbæ, Norðlingaholti og Mosfellsbæ. Stærðfræðikennarar við Borgarholtsskóla stóðu fyrir keppninni. Verðlaunaafhending var á þriðjudag og hlutu sjö nemendur úr Varmárskóla verðlaun.

Jákvæð sálfræði - leiðir til að finna og næra styrkleika hjá börnum og unglingum er síðasta opna hús Skólaskrifstofu Mosfellsbæjar þetta skólaárið.

Flottur föstudagur var í Varmárskóla í dag. Nemendur og starfsfólk mætti með mottu eða bleika slaufu í tilefni átaki krabbameinsfélagsins. Myndir frá deginum eru á myndasíðunni.

Börnin í 5. bekk hafa verið að safna fyrir ABC barnastarfið. Þau gengu í hús í Mosfellsbænum og eru búin að vera ótrúlega dugleg að fylla dósirnar sínar. Þetta árið ætlum við að gefa það sem safnast til Kenía til að byggja upp skóla þar.

Lokahátíð Stóru upplestrarkeppninnar verður haldin í Lágafellsskóla 17.mars kl. 20:00. Allir velkomnir.

Sýning verður í yngri deildinni á vinnu nemenda eftir þemadaga. Sýningin verður mánudaginn 21. mars frá kl. 8.10 - 9.30. Allir hjartanlega velkomnir.

Dagana 15. - 17. mars eru þemadagar í skólanum. Þemað í yngri deildinni er Heimabyggðin en við erum með alls konar smiðjur í eldri deildinni.