Fréttir

Þriðjudaginn 11.september fengu nemendur í 4. og 6.bekk skemmtilega heimsókn. Þar voru á ferð tónlistarmenn frá Noregi, Morten B. Engebretsen og Ole Jörn Myklebust sem léku fyrir okkur á ýmis blásturshljóðfæri á nýjan og skemmtilegan hátt. Allir, bæði nemendur og starfsfólk, skemmtu sér frábærlega. Sjá má fleiri myndir á myndasíðunni.

Vegna undirbúnings á skólaárinu 2012-2013 minnum við foreldra á að sækja verður um áskrift í mötuneyti og frístundasel á hverju hausti í íbúagátt Mosfellsbæjar. Eldri umsóknir gilda ekki. Nýjar umsóknir þurfa að berast fyrir 20.ágúst. Vakin er athygli á að frá og með þessu skólaári er ekki hægt að sækja um færri en 4 tíma á viku í frístundaseli (sjá samþykkt).

Skólasetning við Varmárskóla verður fimmtudaginn 23.ágúst.



Nemendur í 1. bekk fara í viðtöl 22. eða 23. ágúst samkvæmt útsendum bréfum. Kennsla hefst samkvæmt stundaskrá hjá 1. - 10. bekk föstudaginn 24. ágúst og sama dag tekur Frístundasel til starfa.

Móttaka nýrra nemenda við skólann (2.-10.bekkur) verður þriðjudaginn 21.ágúst kl. 13:00 í anddyrum skólans (yngri og eldri deild).

Í febrúar 2012 svörðu foreldrar rafrænni könnun um ýmislegt er tengist skólastarfi Varmárskóla. Skýrsla var unnin úr niðurstöðum og hana má finna hér (Skýrsla foreldrakönnunar 2012).  Á heimasíðu skólans má einnig finna niðurstöður úr Skólapúlsinum en þær eru birtar reglulega yfir allt skólaárið. Þær má sjá undir tenglinum "Mat á skólastarfi".

Í febrúar 2009 gekk Varmárskóli til liðs við verkefnið Skólar á grænni grein, þá hófst markviss vinna við „Skrefin-sjö“  Skemmst er frá því að segja að á 50 ára afmæli skólans var skólanum afhentur Grænfáninn. Varmárskóli er fyrsti skólinn í Mosfellsbæ sem tekur á móti þessari alþjóðlegu viðurkenningu fyrir góða frammistöðu í menntun til sjálfbærrar þróunar og fyrir að leggja sitt af mörkum til þess að efla og bæta umhverfismál innan skólans og nærsamfélagsins. Gerður Magnúsdóttir fulltrú Landverndar afhenti Guðmundi Ómari Óskarssyni formanni umhverfisnefndar Varmárskóla fánann í fyrsta sinn í blíðskaparveðri að viðstöddu fjölmenni.

Útskrift 10. bekkjar fór fram við hátíðlega athöfn í skólanum fimmtudagskvöldið 7. júní. Kvöldið hófst með því að Skólahljómsveit Varmárskóla tók á móti gestum í anddyri skólans. Margt var um manninn í skólanum og þegar gestir höfðu komið sér fyrir hófst dagskrá kvöldsins.

Þórhildur Elfarsdóttir skólastjóri flutti ræðu og Björn Bjarnason formaður nemendaráðs flutti ræðu fyrir hönd nemenda auk þess sem Alexandra Líf Benediktsdóttir sagði nokkur orð.

Fulltrúar nemenda úr hverjum bekk tóku til máls og færðu kennurum sínum gjafir. Útskriftarárgangurinn færi öllum starfsmönnum sem mættir voru rósir og konfekt til að þakka liðin ár.

Nokkrir hæfileikaríkir nemendur fluttu tónlistaratriði. Guðmundur Ágúst Thoroddsen lék á píanó, Sigríður Helga Grétarsdóttir og Elísa Sverrisdóttir sungu og Skólakór Varmárskóla flutti tvö lög, þeirra á meðal nýjan skólasöng Varmárskóla. Að þessu loknu tók einkunnaafhendingin við og skólastýrurnar Þórhildur og Þóranna afhentu nemendum prófskírteini sín en umsjónarkennarar færðu nemendum rósir. Að athöfninni lokinni var gestum boðið upp á kaffi og meðlæti.

Við í Varmárskóla viljum þakka nýútskrifuðum nemendum okkar fyrir samveruna á liðnum árum og óskum þeim gæfu og gengis á nýjum vettvangi. Sjá myndir á myndasíðunni: Útskrift 10.bekkjar

Á fyrsta útivistardegi fóru börnin í sund í Varmárlaug og léku sér á Stekkjarflöt í blíðskaparveðri. Á öðrum degi fóru þau í heimsókn í Alþingishúsið. Á þriðja degi gengu þau á Lágafell. Eins og sjá má á myndunum skemmtu börnin sér mjög vel. Myndir á myndasíðunni: 2.bekkur-útivistardagar

Skólaslit í Varmárskóla verða með eftirfarandi hætti:

6.júní 2012

7. - 9. bekkur kl. 11:30-12:00 í stofum hjá umsjónarkennurum

1.-2. bekkur kl. 16:00 í hátíðarsal Varmárskóla

3. - 4. bekkur kl. 16:30 í hátíðarsal Varmárskóla

5.- 6. bekkur kl. 17:00 í hátíðarsal Varmárskóla

7.júní 2012

10. bekkur kl. 20:00 í salnum eldri deild

Mánudaginn 4. júní fór 9. bekkur í skálaferð ásamt umsjónarkennurum sínum.

Farið var í Hrannarskála í Skálafelli. Ferðin var einkar skemmtileg og vel heppnuð. Verðrið var frábært og þess vegna var hópurinn úti mest allan daginn, fór í fjallgöngur og ýmsa leiki. Um kvöldið voru borðaðar pylsur og síðan var haldin kvöldvaka, farið út og síðan horft á video. Allir skemmtu sér mjög vel og krakkarnir okkar voru skólanum svo sannarlega til sóma. Myndir frá ferðinni eru inná myndasíðu  9.bekkur -Skálaferð

Laugardaginn 2. júní var haldið upp á 50 ára afmæli Varmárskóla. Nemendur og starfsfólk skólans tók á móti gestum í báðum skólahúsunum og auk þess fór glæsileg dagskrá fram í íþróttahúsinu að Varmá. Eins og sjá má á myndasíðunni okkar var margt í boði á afmælishátíðinni. Nemendur í 10. bekk kynntu lokaverkefni sín og gestum bauðst að skoða myndir úr sögu skólans og námsefni liðinna ára. Nemendur héldu glæsilega tískusýningu og danssýningar fóru fram í báðum deildum skólans. Einnig tók skólinn á móti grænfánanum í fyrsta sinn og er að því leyti frumkvöðull á meðal stofnanna í Mosfellsbæ. Í íþróttahúsinu spilaði Skólahljómsveitin og kór skólans frumflutti nýjan skólasöng svo eitthvað sé nefnt.

Á afmælishátíð skólans skipulögðu 5-bekkirnir ratleik um skólann. Þátttaka nemenda og foreldra voru afar góð og skemmtu þau sér konunglega við að leysa hinar ýmsu þautir eins og að sippa, þræða nál, búa til orðakeðju, byggja hús ofl. Ræst var tvisvar  út í leikinn. Í fyrri keppninni unnu leikinn Óliver, Elín Elísabet, Dagný, Magnús og Kristján. Í seinni keppninni unnu: Kolfinna Iðunn, Kári, Elísa, Anna og feðurnir Atli og Níels. Kunnum við nemendum og aðstandendum þakkir fyrir góða og drengilega keppni.

Við þökkum þeim sem heimsóttu okkur kærlega fyrir komuna.

Myndir frá hátíðinni eru á myndasíðunni undir - Afmælishátíð.