Fréttir

Þriðjudaginn 7.febrúar héldu 1. bekkingar uppá að það eru 100 dagar frá því að skólinn var settur. Krakkarnir komu í búningum og voru með kórónur sem á stóð 100. Þau eru búin að vera að telja hvern dag síðan skólinn byrjaði og flokka dagana í tugi, í dag náðu þau loksins 100.

Varmárskóli tekur þátt í lífshlaupinu og eru nemendur og starfsfólk hvatt til að hreyfa sig eins oft í viku og tök eru á. 8.AÞ í Varmárskóla var dreginn út í hvatningarleik Rásar 2 og fær í verðlaun ávaxtakörfu frá Ávaxtabílnum. Til hamingju með þetta 8.AÞ. Áfram Varmárskóli!

Skákdagurinn var haldinn í Kjarna fyrir framan bókasafnið á fimmtudaginn 26.1. s.l. milli kl. 16:00 -  18:00  Nemendur úr  Varmárskóla og foreldrar þeirra fjölmenntu til að tefla og eiga skemmtilega stund saman.  Hér eru myndir af þessari skemmtilega degi - sjá myndasíða - skákdagur.

Mánudaginn 30.janúar er starfsdagur og þá eru nemendur í fríi. Þriðjudaginn 31.janúar eru foreldraviðtöl og hafa foreldrar fengið tímasetningar um hvenær þeir eigi að mæta til viðtals með sínu barni.

Útivistarvalið í 9. og 10.bekk Varmárskóla gengu frá skólanum föstudaginn 20.janúar yfir Lágafell og þaðan upp í Úlfarsfell. Nokkrir tóku með sér bretti og renndu sér niður á meðan aðrir héldu áfram yfir Úlfarsfellið og komu niður Hamrahlíðina.  Ferðin heppnaðist vel, veðrið lék við mannskapinn og allt á kafi í snjó.

Í dag opna listamennirnir  Hugleikur Dagsson og Örn Tönsberg samsýninguna Huxi  í Listasal Mosfellsbæjar. Nemendum 10.bekkjar í myndlistavali í Varmárskóla í samvinnu við Lágafellsskóla hlotnaðist sá heiður að vera boðið að taka þátt í þessari ótrúlega spennandi sýningu.

Sú hefð hefur skapast að einu sinni á önn fá nemendur að spreyta sig í Tarzanleik sem er þrautabraut sem íþróttakennarar setja upp. Einn svona leikur fór fram fyrir jól og eru myndir frá viðburðinum á myndasíðunni undir Tarzan leikur.

Nemendum í 3. bekk var boðið í Mjólkursamsöluna þriðjudaginn 24.jan. Þau kynntu sér framleiðsluna áður fyrr og núna. Krakkarnir fengu ís og annað góðgæti til að gæða sér á. Einnig voru þau leyst út með fallegum sundpoka og leystu einnig nokkrar þrautir á staðnum. Ferðin gekk í alla staði vel. Myndir á myndasíðunni: 3.bekkur í MS

Þessa vikuna er nemendur leikskólans Reykjarkots í heimsókn. Nemendur hitta nemendur skólans og vinna með þeim í ákveðnum smiðjutímum. Í fréttabréfi deildarinnar má lesa meira um starfið.

Þessa dagana eru nemendur leikskólans í Hlíð í heimsókn í Varmárskóla. Hér má lesa um hvað þau eru að bralla í Varmárskóla.