logo
  • Virðing -
  • Jákvæðni -
  • Framsækni -
  • Umhyggja

Foreldrar

Að baki Varmárskóla standa öflugir foreldrar. Stöðugt er verið að leita leiða til að auðvelda foreldrum þátttöku í skólastarfinu. Varmárskóli býður foreldra ætíð velkomna í skólann, hvort sem er til að taka þátt í skólastarfinu eða til skrafs og ráðagerðar. Foreldrar tilvonandi 1.bekkinga er boðið á fund og í heimsókn í Varmárskóla að vori til. Á haustönn er námsefniskynning í öllum árgöngum skólans.

Bekkjarskemmtanir eru haldnar yfir veturinn sem foreldrar eru ætíð velkomnir á. Sjöttu bekkingar bjóða foreldrum sýnum til veislu í febrúar, ár hvert þar sem kynnt er samþættingarverkefni um Norðurlönd. Þar fá foreldrar að bragða á mat ættaðan frá Norðurlöndum, fá kynningu um löndin og jafvel danssýningu.

Varmárskóli er stöðugt að leita að tækifærum til að fá foreldra meira inn í skólastarfið og hvetjum við foreldra til að hafa samband ef þeir hafa áhuga á að taka meiri þátt í skólastarfinu.

Tímabundið leyfi

Foreldrar þurfa að fylla út umsókn í Íbúagátt Mosfellsbæjar ef nemendur þurfa leyfi í meira en einn skóladag.

Nauðsynlegt er að upplýsa umsjónarkennara um leyfið með fyrirvara.

Umsókn foreldris um tímabundið leyfi nemanda

Tryggingar á skólatíma

Frá og með 1. janúar 2019 mun Sjóva sjá um að sjúkratryggja skólabörn í Mosfellsbæ.

Öll börn, yngri en 18 ára sem eru búsett í Mosfellsbæ og eru skráð í grunnskóla (gildir um slys sem verða á skólatíma, á skólalóð eða í ferð á vegum skólans), leikskóla, dagskóla, á sumarnámskeið, á gæsluleikvelli og í skipulögðu tómstundastarfi félagsmiðstöðva eru nú sjálfkrafa vátryggð hjá Sjóvá.

Sjálfsábyrgð í hverju tjóni er kr. 15.000 vegna slyss á barni (nemanda).

1. Foreldrar greiða sjálfir heimsóknir á heilsugæslu eða til sérfræðinga vegna slyssins (ekki skólinn eða Mosfellsbær).
2. Þegar upphæðin sem foreldrar hafa þurft að greiða vegna slyssins fer yfir 15.000 krónurnar fara foreldrar með nóturnar á skrifstofu Sjóvá-Almennar trygginar hf. og fá endurgreitt.

Vinsamlega leitið til Sjóvá fyrir frekari upplýsingar.

Þessi síða notar vafrakökur Lesa meira