logo
  • Virðing -
  • Jákvæðni -
  • Framsækni -
  • Umhyggja

Frístundafjör

Frístundafjör / Íþróttafjör er fyrir alla krakka í 1. og 2. bekk í grunnskólum Mosfellsbæjar.

Markmiðið með Frístundafjörinu er að börnin fái að kynnast sem flestum greinum íþrótta og geti í 3. bekk ákveðið hvaða íþrótt þau vilja stunda. Það er ekki markmið Frístundafjörsins að búa til sérhæfða afreksíþróttamenn, heldur að börnin fái að stunda íþróttir í sem fjölbreyttasta formi.
Einnig er það markmiðið að börnin myndi sér jákvætt hugarfar í garð hreyfingar og íþrótta hverskonar.


Öll börnin sem skráð eru í frístundasel grunnskólanna fara í Frístundafjör nema foreldrar óski sérstaklega eftir því að þau taki EKKI þátt. Börnin fara tvisvar í viku, stúlkur á mánudögum og miðvikudögum og piltar á þriðjudögum og fimmtudögum. 

Frístundafjörið er í íþróttamiðstöðinni að Varmá og tekur um 75 mínútur hvorn dag. Gera má ráð fyrir tíma sem fer í ferðir á milli skóla frá kl 13:55 – 15:45 hjá Lágafellsskóla og Krikaskóla en örlítið styttra hjá Varmárskóla þegar tillit er tekið til ferðatíma. Starfsmenn frístundaselja fylgja börnunum á milli. 

Frístundafjör er innifalið í gjaldi frístundasels. Þau börn sem ekki sækja frístundasel en vilja vera með í Frístundafjöri greiða sama verð fyrir klukkustundina og er það innheimt í gegnum frístundaselin.

Hvers vegna Frístundafjör?
Markmiðið með Frístundafjörinu er að börnin fái að kynnast sem flestum greinum íþrótta og geti í 3. bekk ákveðið hvaða íþrótt þau vilja stunda. Það er ekki markmið Frístundafjörsins að búa til sérhæfða afreksíþróttamenn, heldur að börnin fái að stunda íþróttir í sem fjölbreyttasta formi. Einnig er það markmiðið að börnin myndi sér jákvætt hugarfar í garð hreyfingar og íþrótta hverskonar.

Með markmiðsetningu fyrir Frístundafjörið eru markmið Íþróttasambands Íslands fyrir börn 8 ára og yngri höfð að leiðarljósi:
  • Að æfingarnar séu fjölþættar og stuðli að bættum hreyfiþroska. Hér er átt við æfingar sem örva hinar ýmsu skynstöðvar og unnið sé með grófhreyfingar og fínhreyfingar.
  • Að þjálfunin fari fram í leikformi.
  • Að æfingarnar séu skemmtilegar.
  • Að öll börn fái jöfn tækifæri til þátttöku.
  • Að fjölgreinafélög sjái til þess að öll börn á þessum aldri hafi tækifæri til að stunda íþróttir með þessum hætti í ódeildaskiptum íþróttaskólum eða námskeiðum á vegum félaganna.

Nokkrar staðreyndir um alhliða hreyfingu:

  • Börn sem hreyfa sig reglulega standa sig betur í skóla og eru með meira sjálfstraust.
  • Börn sem hreyfa sig reglulega byrja síður að stunda áhættuhegðun eins og reykingar, drykkju eða fíkniefnaneyslu þegar þau eldast.
  • Hreyfing barna og unglinga minnkar eftir því sem þau eldast.
  • Stelpur hreyfa sig minna en strákar.
  • Um 20% barna í 5. - 7. bekk hreyfa sig lítið sem ekki neitt.
  • Börn sem að hreyfa sig mikið eru líklegri til að hreyfa sig þegar þau verða fullorðin. 
Hvað er þetta langur tími á dag?
Þetta er um 75 mínútur hvorn dag en gera má ráð fyrir tíma sem fer í ferðir á milli skóla og því er þetta frá kl 13:55 – 15:45 hjá Lágafellsskóla og Krikaskóla en örlítið styttra hjá Varmárskóla þegar tillit er tekið til ferðatíma. Starfsmenn frístundaselja fylgja börnunum á milli.

Hvað með æfingafatnað?
Best er að barnið sé klætt þægilegum fatnaði eins og íþróttagalla eða öðrum álíka fatnaði þá daga sem Frístundafjör er .

Hvað kostar Frístundafjörið?
Frístundafjör er innifalið í gjaldi frístundasels sem er 246 krónur klukkustundin. Þau börn sem ekki sækja frístundasel en vilja vera með í Frístundafjöri greiða sama verð eða 246 kr. fyrir klukkustundina og er það innheimt í gegnum frístundaselin. Nauðsynlegt er að skila umsókn um vistun í frístundasel til að þau geti tekið þátt í Frístundafjöri. (Hjá Lágafellsskóla þarf að gera ráð fyrir vistun frá skólalokum og þar til barnið kemur til baka ef óskað er eftir samfellu í deginum.) Hægt er að óska eftir að frístundaávísun komi upp í gjald fyrir Frístundasel/Frístundafjör hjá börnum í 1. og 2. bekk og kemur hún þá sem lækkun upp á 2000 krónur á mánuði út veturinn eða samtals 18.000 og því er best að óska eftir því strax í upphafi vetrar. Þeir foreldrar sem óska eftir að nýta sér þetta fara inn á frístundaávísunina eftir 1. september og haka við Frístundasel viðkomandi skóla. Sumar deildir Aftureldingar munu bjóða upp á auka æfingar utan skólatíma, umfram Frístundafjör (þ.e. eftir klukkan 15:30). Fari barnið á æfingar umfram Frístundafjör, tekur sú deild sitt gjald fyrirþær æfingar sem greiðist til deildarinnar og eru þær æfingar alfarið á ábyrgð foreldra þe að koma börnum til og frá æfingum og tengjast að engu leiti Frístundaseli/Frístundafjöri.


Hvernig fer þetta fram?

Öll börnin sem skráð eru í frístundasel grunnskólanna fara í Frístundafjör nema foreldrar óski sérstaklega eftir því að þau taki EKKI þátt. Börnin fara tvisvar í viku, stúlkur á mánudögum og miðvikudögum og piltar á þriðjudögum og fimmtudögum. Fylgt er ákveðinni dagskrá sem börnin velja fyrir hverjar tvær vikur í senn. Með þessum hætti er börnunum kynnt fjölbreytt hreyfing í gegnum leik og auknar líkur eru á að barnið hafi þekkingu og áhuga til að velja við 8 ára aldur þá íþróttagrein sem það hefur mestan áhuga á. Með öðrum orðum fjölbreytt úrval af hreyfingu, breytilegt eftir árstíðum og eins verður alltaf í boði útvist/útivera fyrir þau börn sem þess óska.

Hvernig fara krakkarnir niður í Íþróttamiðstöðina að Varmá?

Frístundafjörið verður í íþróttamiðstöðinni að Varmá. Starfsmenn Frístundaseljanna fylgja börnunum í frístundafjörið. Börnin frá Lágafellsskóla og Krikaskóla fara með rútu og starfsmenn frá Frístundaseli fara með hverjum hópi í rútu og starfsmaður frá Frístundaseli Varmárskóla fylgir einnig þeirra börnum. Börnin eru undir eftirliti allan tímann. Starfsmenn frístundaselja eru með börnunum í Frístundafjörinu og hafa auga með þeim og fylgja þeim aftur til baka.

Hvernig fer skráning fram?

Krakkar sem eru skráðir í Frístundaseli eru sjálfkrafa skráð í Frístundafjör og er gert ráð fyrir að börn í frístundaseli fari í Frístundafjör tvisvar í viku. Óski foreldri með barn í frístundaseli eftir því að það fari ekki í Frístundafjör þarf að láta forstöðumann viðkomandi Frístundasels vita með því að senda skilaboð í gegnum íbúagátt undir málin mín.
 

 


Hver heldur utan um Frístundafjörið?

Ráðinn hefur verið yfirþjálfari með íþróttakennaramenntun sem mun sjá til þess að dagurinn gangi vel fyrir sig. Hann mun sjá um alla skipulagningu og samþættingu á milli deilda. Hann starfar í nánu samstarfi við forstöðumenn Frístundaseljanna.

Starfsmenn Frístundaseljanna fylgja börnunum í frístundafjörið. Börnin frá Lágafellsskóla og Krikaskóla fara með rútu og starfsmenn frá Frístundaseli fara með hverjum hópi í rútu.


Starfsmaður frá Frístundaseli Varmárskóla fylgir einnig þeirra börnum.

Börnin eru undir eftirliti allan tímann. Starfsmenn frístundaselja eru með börnunum í Frístundafjörinu og hafa auga með þeim og fylgja þeim aftur til baka.