logo
  • Virðing -
  • Jákvæðni -
  • Framsækni -
  • Umhyggja

Gagnalistar

Til foreldra/forráðamanna grunnskólabarna 

Bæjarráð hefur samþykkt að frá og með hausti 2017 verði öllum börnum í grunnskólum Mosfellsbæjar veittur hluti nauðsynlegra námsgagna þeim að kostnaðarlausu (s.s. ritföng, reikningsbækur, stílabækur, límstifti, skæri, plast/teygjumöppur og einfaldir vasareiknar). Mosfellsbær tók þátt í örútboði á vegum Ríkiskaupa og skilað það mjög hagstæðum verðum á námsgögnum. 

Námsögn verða afhent nemendum í upphafi skólaárs. Til að hlúa að umhverfinu okkar og fara vel með sameiginlega sjóði sveitarfélagsins þá biðjum við ykkur um að leggja okkur lið og athuga hvaða námsgögn  eru til á heimilinu frá fyrri árum.  Börnin eru beðin um að koma með í skólann þau gögn sem hægt er nýta áfram (s.s möppur, pappír, stílabækur/reiknisbækur, plastvasa og fleira).  Það sem upp á vantar af námsgögnum mun skólinn bæta við. Ritföng sem þegar eru til er ágætt að eiga heimavið.

Eftirfarandi vinnureglur gilda um gjaldfrjáls námsgögn í grunnskólum Mosfellsbæjar:

  • Gagnalistar eru til staðar á heimasíðum skólanna - þar er hægt að sjá hvað hver bekkur/árgangur þarf af nauðsynlegum námsgögnum -  Velji foreldrar önnur innkaup á gögnum en tilgreind eru í gagnalistum fellur sá kostnaður ekki innan námsgagna sem skólinn afhendir.
  • Endurnýjun á námsgögnum og ritföngum fer fram að meðaltali á þriggja ára fresti. Undantekning er þó skriffæri (blýantar, skriftarpennar), strokleður og límstifti sem endurnýjast árlega.
  • Þeir nemendur sem eru að hefja nám í 1. bekk fá ný námsgögn þar sem þeir eru að hefja skólagöngu.
  • Námgögn eins og stíla- og reiknisbækur, sögu- og verkefnabækur og möppur eru að öllu jöfnu geymd í skólanum en fara heim með nemendum ef um heimanám er að ræða. Gert er ráð fyrir að á heimilum séu til nauðsynleg skriffæri og litir.
  • Námsgögn verða ýmist sérmerkt nemanda eða verða í bekkjar, árganga,- stofu- og  eða skólasettum. 
  • Eftir því sem líður á námið í grunnskóla bætast við námsgögn og munu þau verða afhent eftir þörfum.
  • Kostnaður vegna valáfanga er óbreyttur. 
  • Innan gjaldfrjálsra námsgagna eru ekki skólatöskur, pennaveski, íþrótta- og sundföt og flóknari reiknivélar (nýtast áfram í framhaldsskóla).
  • Týnist eða eyðileggist námsgögn/ritföng/ (skólagögn) vegna slæmrar meðferðar hjá nemendum eru foreldrar ábyrgir fyrir því að námsgögn séu endurnýjuð.
Nýtt fyrirkomulag á gjaldfrjálsum grunnskóla mun taka tíma að móta. Við óskum eftir sem bestri samvinnu í anda umhverfisverndar við endurnýtingu og meðferð námsgagna.  

 

Með góðri kveðju
Linda Udengård framkvæmdastjóri fræðslu- og frístundasviðs 
Þóranna Rósa Ólafsdóttir og Þórhildur Elfarsdóttir skólastýrur Varmárskóla

 


Athugið að listinn hér að neðan er ekki tillaga um foreldra til að kaupa heldur sjá hvað af þessu er nú þegar til heima og má nýta áfram. Fyrsti bekkur er að byrja sitt fyrsta skólaár og þá er ekkert til. Foreldrar þurfa að eiga ritföng heima fyrir og börnin eru að sjálfsögðu velkomin með pennaveski. 

2. bekkur

3. bekkur

4. bekkur

5. bekkur

6. bekkur

7. - 10. bekkur