logo
  • Virðing -
  • Jákvæðni -
  • Framsækni -
  • Umhyggja

Fréttir eftir árum

Forritunarkeppni grunnskólanna

07/03/17
Tækniskólinn heldur Forritunarkeppni grunnskólanna 1. apríl 2017. Keppnin er opin öllum grunnskólanemendum sem hafa áhuga á forritun og er þetta í annað skipti sem þessi keppni er haldin. Til þess að undirbúa keppendur sem best, munu nemendur og kennara Tækniskólans, halda forritunarbúðir laugardaginn 11. mars frá kl. 10:00-16:00 í Vörðuskóla. Forritunarbúðirnar eru góður undirbúningur fyrir forritunarkeppnina og er skráning í forritunarbúðirnar á: www.kodun.is Enginn kostnaður er við að taka þátt í forritunarbúðunum né forritunarkeppninni. Allar nánari upplýsingar er að finna á www.kodun.is eða hjá undirritaðri. Hlökkum til að sjá ykkur. Kær kveðja, Guðrún Randalín Lárusdóttir Skólastjóri Upplýsingatækniskólans grl@tskoli.is / 514 9351
Meira ...

Fundargerðir foreldrafélagsins og Skólaráðs má finna hér á heimasíðunni

06/03/17
Fundargerðir foreldrafélags og skólaráðs má finna hér á heimasíðunni. Reynt er að setja fundargerðir inn við fyrsta tækifæri.
Meira ...

Börn í leik í snjóruðningum

01/03/17
Borið hefur á því að börn séu að búa sér til snjóhús inni í ruðningum/sköflum sem hafa myndast við götur og gatnamót. Foreldrar/forráðamenn eru hvattir til að ræða við börn sín um hættuna sem getur fylgt því að gera snjóhús í snjóruðningum. Oft eru gamlir ruðningar færðir til eða mokað burtu. Við viljum jafnframt biðja akandi vegfarendur að hafa gætur á þegar þeir keyra um göturnar svo ekki verði slys og gangandi vegfarendur sem verða varir við börn í snjóhúsum að hafa þessa hættu á orði við börnin. Stöndum saman í að gæta barnanna okkar og höfum gaman saman í snjónum.
Meira ...

Innritun fyrir skólaárið 2017-18

24/02/17Innritun fyrir skólaárið 2017-18
Innritun 6 ára barna sem hefja grunnskólagöngu í grunnskólum Mosfellsbæjar haustið 2017 fer fram frá 1. mars til 17. mars og skulu nemendur sækja grunnskóla eftir búsetu (sjá nánar reglur um skiptingu skólasvæða á vef Mosfellsbæjar www.mos.is). Innritun í frístundasel og mötuneyti vegna skólaársins 2017-18 verður auglýst sérstaklega. Innritun skólaskyldra barna og unglinga sem flytjast til Mosfellsbæjar skal vera lokið 1. apríl. Innritun barna og unglinga með lögheimili í Mosfellsbæ, sem sækja skóla í öðrum sveitarfélögum, skal berast í gegnum Íbúagátt Mosfellsbæjar fyrir 1. apríl. Umsóknir fyrir nýtt skólaár endurnýjast ekki sjálfkrafa. Mikilvægt er að umsækjendur kynni sér reglur um skólavist utan lögheimilis á vef Mosfellsbæjar. Nánari upplýsingar og aðstoð varðandi innritun í grunnskóla Mosfellsbæjar veita ritarar grunnskólanna. Þeir sem óska eftir aðstoð og leiðbeiningum vegna Íbúagáttarinnar geta snúið sér til Þjónustuvers Mosfellsbæjar. Fræðsluskrifstofa Mosfellsbæjar
Meira ...

Rútur keyra í dag, æfing hjá skólahljómsveit fellur niður

24/02/17
Þrátt fyrir veður þá munu rútur ganga. Við höfum heyrt í foreldrum í Reykjabyggð og rútufyrirtæki og það er mat aðila að veðrið sé ekki þannig að hætta stafi af. Engu að síður mælumst við til að yngstu börnin séu ekki látin ganga heim. Foreldrar mega gjarnan láta okkur vita ef senda á barn heim eða halda því eftir. Hægt er að senda skilaboð á varmarskoli@varmarskoli.is Æfing hjá Skólahljómsveit fellur niður í dag.
Meira ...

Síðdegis ef veður hefur versnað meðan á skólahaldi/frístundarstarfi stendur

24/02/17
Foreldrar / forráðamenn eru beðnir að sækja börn sín í lok skóla eða frístundastarfs. Eru þeir hvattir til að fara ekki af stað sökum veðurs séu þeir ekki á vel útbúin, frekar þá að bíða af sér veðrið. Börn eru óhult í skóla og frístundastarfi þar til þau verða sótt. Hér er átt við börn yngri en 12 ára. Nánari upplýsingar eru á shs.is og á Facebook ( Slökkviliðs höfuðborgarsvæðisins bs og Lögreglan á höfuðborgarsvæðinu).
Meira ...

Vetrarfrí 20. og 21. febrúar 2017

17/02/17
Vetrarfrí verður í Varmárskóla mánudaginn 20. febrúar og þriðjudaginn 21. febrúar. Frístundaselið verður einnig lokað á mánudeginum en opið á þriðjudag fyrir þá nemendur sem voru skráðir í tíma. Skóli hefst miðvikudaginn 22. febrúar samkvæmt stundartöflu.
Meira ...

ADHD - einkenni og hagnýt ráð - Opið hús Skólaskrifstofu Mosfellsbæjar

17/02/17ADHD - einkenni og hagnýt ráð - Opið hús Skólaskrifstofu Mosfellsbæjar
Miðvikudaginn 22. febrúar klukkan 20:00 er komið að þriðja opna húsi vetrarins hjá Skólaskrifstofu Mosfellsbæjar og haldið að venju í Listasal Mosfellsbæjar. Gengið er inn að austan þ.e. þeirri hlið sem snýr að KFC.
Meira ...

100 daga hátíð

27/01/17100 daga hátíð
Í dag er 1.bekkur búinn að vera 100 daga í skólanum. Við héldum upp á daginn með ýmsum skemmtilegum uppákomum.
Meira ...

Landsleikur í lestri- ALLIR LESA!

26/01/17Landsleikur í lestri- ALLIR LESA!
Nú styttist í hinn stórskemmtilega landsleik Allir lesa og eru foreldrar sérstaklega hvattir til að mynda lið með börnunum sínum. Gott væri ef þið gætuð komið þessum upplýsingum á framfæri við foreldra barna í skólanum. Bæði er hægt að skrá þann tíma sem hver og einn liðsmaður les sjálfur og einnig má skrá tíma sem lesinn er fyrir börnin, bæði á þann sem les og þann sem hlustar. Þegar börn lesa fyrir foreldra gildir hið sama, tíminn skráist á báða aðila. Lið samanstanda af þremur eða fleiri liðsmönnum og má skrá allan aldur, jafnvel nokkurra daga gömul kríli geta verið mikilvægir liðsmenn. Börn og fullorðnir verja æ meiri tíma fyrir framan skjái og því er tilvalið að byrja árið á því að verja meiri tíma í yndislestur. Landsleikurinn varir frá 27. janúar til 19. febrúar og allir geta myndað lið, eða keppt sem einstaklingar. Skráning er hafin á allirlesa.is en þar er einnig að finna frekari upplýsingar um leikinn. Einnig má sjá upplýsingar um framtakið hér á vef Heimilis og skóla: http://www.heimiliogskoli.is/laesi/allir-lesa-landsleikur-i-lestri/
Meira ...

Síða 6 af 7

Þessi síða notar vafrakökur Lesa meira