Fréttir eftir árum

Mánudaginn 25. september er fræðsludagur grunnskóla og frístundar og munu skólarúturnar því ekki ganga þann dag.

Í byrjun september buðum við foreldrum nemenda í 7.-10. bekk velkomna á morgunfund í skólanum. Fór þar fram kynning á komandi skólaári þar sem meðal annars var farið yfir ástundun, forvarnir, námið, skólaferðalög, lestrarstefnu og fleira sem viðkemur skólastarfinu. Fundirnir voru vel sóttir og hafa til að mynda aldrei fleiri bekkjarfulltrúar boðið sig fram. Við erum afar þakklát fyrir það og hlökkum til samstarfsins.

Í gær þriðjdaginn 5. september fengu öll börn í 1. og 2. bekk í Mosfellsbæ afhend til eignar endurskinsvesti frá Heilsuvin, heilsueflandi samfélag í Mosfellsbæ í samvinnu við TM. Þetta er gjöf sem kemur í góðar þarfir þegar verkefnið gögnum í skólanum hefst formlega á morgun. Nauðsynlegt er að vera vel merktur í umferðinni nú þegar skyggja fer. Barn með endurskin sést betur í skammdeginu en hafi það ekki endurskin. Vestin eru gefin í forvarnatilgangi og eiga að nýtast hið minnsta næstu tvö árin. Það er góð regla að setja skólabarnið í vestið áður en skólataskan er sett á bakið. Hvoru tveggja á að vera jafnsjálfsagt. Tökum höndum saman og aukum öryggi barnanna okkar í umferðinni. Sjáum til þess að öll börn séu vel upplýst í skammdeginu!

Nemendur og starfsfólk Varmárskóla safnaðist saman fyrir utan eldri deildina og söng þar og trallaði með Friðriki Dór. Fyrst talaði Haraldur bæjarstjóri til allra og sagði frá því að öll börn í Mosfellsbæ fengju buff í hverfislitunum og óskaði bæjarbúum til hamingju með 30 ára afmælið. Friðrik Dór hélt svo uppi gríðarlega góðri stemmingu og krakkarnir tóku vel undir. Hér eru myndir.

Við viljum þakka ykkur fyrir gagnlegar ábendingarnar sem okkur hafa borist varðandi skólaaksturinn. Verið er að endurskoða tímatöflur eftir akstur dagsins. Ný tímatafla verður send fyrir mánudag þar sem meðal annars er horft til þess að seinka akstri örlítið að morgni í Reykjahverfið og Mosfellsdalinn Vinsamlegast hafið skilning á því að tímataflan verður óbreytt á morgun föstudag.

Símkerfið okkar er komið í lag núna eftir bilun morgunsins

Varmárskóli verður settur þann 23. ágúst. Fyrsti bekkur verður boðaður i viðtöl hjá umsjónarkennurum. Skólasetningar verða sem hér segir:

Bæjarráð hefur samþykkt að frá og með hausti 2017 verði öllum börnum í grunnskólum Mosfellsbæjar veittur hluti nauðsynlegra námsgagna þeim að kostnaðarlausu (s.s. ritföng, reikningsbækur, stílabækur, límstifti, skæri, plast/teygjumöppur og einfaldir vasareiknar). Mosfellsbær tók þátt í örútboði á vegum Ríkiskaupa og skilað það mjög hagstæðum verðum á námsgögnum. Námsögn verða afhent nemendum í upphafi skólaárs. Til að hlúa að umhverfinu okkar og fara vel með sameiginlega sjóði sveitarfélagsins þá biðjum við ykkur um að leggja okkur lið og athuga hvaða námsgögn eru til á heimilinu frá fyrri árum. Börnin eru beðin um að koma með í skólann þau gögn sem hægt er nýta áfram (s.s möppur, pappír, stílabækur/reiknisbækur, plastvasa og fleira). Það sem upp á vantar af námsgögnum mun skólinn bæta við. Ritföng sem þegar eru til er ágætt að eiga heimavið.

Við Varmárskóla óskast: Umsjónarkennari í 5.bekk Skólaliðar - vinnutími 8-16, eða samkvæmt samkomulagi Skólaliði með ræstingu, 50% starf eftir skólatíma Stuðningsfulltrúar Frístundaleiðbeinendur