Fréttir eftir árum

Óskum öllum gleðilegra jóla og farsældar á komandi ári. Þökkum fyrir liðið ár. Skólinn hefst svo að nýju miðvikudaginn 4. janúar 2017 samkvæmt stundaskrá.

Nemendur í 6. bekk skrifuðu jólasögur og fengu nokkrir viðurkenningar fyrir sínar sögur. Besta sagan í ár var „Hrekkjalómar um jólin“ en höfundur hennar er Ísold Emma Ívarsdóttir úr 6. GA. Aðrir sem fengu viðurkenningar voru: Jórunn Ósk, Bergljót Sóley og Jóhanna Klara úr 6. ÁJH, Guðbjörn Jón, Anita Rán og Ásgrímur Örn úr 6. ÁGM. Arndís Indíana, Gabríel Snær og Arnrún Ósk úr 6. US og loks þeir Þorgeir Björgvinsson og Tómas Berg úr 6.GA. Óskum þeim til hamingju með viðurkenninguna. Myndir af þeim eru á myndasíðu.

Foreldri í 4 ÁH kom með fiskikar. Í karinu var tindabikkja, sækónguló, hveljusogfiskur og þorskur. Nemendur í mörgum bekkjum fengu að skoða fiskana. Þeim fannst mjög gaman skoða fiskana og snerta, sérstaklega hveljusogsfiskinn. Hveljusogfiskur er líka kallaður "barbapabbi" vegna litarins og útlitsins. Hann er bleikur að lit, umlukinn glærri, hlaupkenndri hvelju og afar viðkvæmur. Á foreldrið miklar þakkir skilið.

Föstudaginn 2. desember ómuðu jólalög um gangana í eldri deildinni. Nemendur myndskreyttu gluggana og útbjuggu jólapakka sem hengdir voru upp í stofum. Sú hefð hefur skapast að veita verðlaun fyrir þrjár best skreyttu hurðirnar og best skreytta gluggann. Niðurstaðan var: 1. sæti hurðarskreyting- 9. HLB 2. sæti hurðarskreyting - 10. KH 3. sæti fyrir sameiginlega skreytingu á gangi – 8. KMH og 8. KH 9. DJ hlaut verðlaun fyrir best skreytta gluggann. Við óskum vinningshöfunum innilega til hamingju og erum ánægð með listsköpunina og metnaðinn sem lagður var í skreytingarnar.

Í kvöld 30. nóvember kl. 20-21 verður opið hús Skólaskrifstofunnar í Listasal Mosfellsbæjar og að þessu sinni er umræðuefnið: Má láta sér leiðast?

Ljósin verða tendruð á jólatré Mosfellsbæjar laugardaginn 26. nóvember kl. 16:00 á Miðbæjartorginu.

Skólahljómsveit Mosfellsbæjar hélt tónleika fyrir nemendur 3. og 4. bekkjar á dögunum. Spiluðu mörg skemmtileg lög og sérstaklega kvikmyndatónlist sem er í sérstöku uppáhaldi hjá þeim. Myndir

Nemendur yngri deildar og Brúarlands komu saman í tilefni dags íslenskrar tungu. Bekkirnir voru allir með atriði og síðan var sungið saman. Þar voru ljóð Jónasar Hallgrímssonar að sjálfsögðu fremst í flokki. Nokkrar myndir eru á myndasíðu.

Föstudaginn 4. nóvember var bangsa- og náttfatadagur hjá 4. bekk, í tilefni af alþjóðlega bangsadeginum sem var 27. október. Það komu margir gestir (bangsar) í heimsókn, bæði stórir og smáir. Þeir voru prúðir og stilltir. Börnin skrifuðu bangsasögu. Bangsadagurinn gekk mjög vel og allir skemmtu sér vel.

7. TH tók þátt í verkefninu jól í skókassa sem að KFUM og K stendur fyrir (http://kfum.is/skokassar/) og bjuggu til gjafir handa fátækum börnum í Úkraínu. Það var gaman að sjá gleðina og áhuga hjá þeim að safna saman í kassann sinn og margir skrifuðu bréf með og sumir sendu mynd af sér. Myndir eru á myndasíðu.