Fréttir eftir árum

Innkaupalistar fyrir skólaárið 2015-2016 eru komnir hér inn á heimasíðuna fyrir alla árganga.

Hér hjá okkur í yngri deild er mikið magn óskilamuna frá síðasta vetri. Endilega kíkið við og athugið hvort þið eigið eitthvað af þessu fyrir mánudaginn næstkomandi. Það sem eftir verður fer til Rauða krossins.

Foreldrar/forráðamenn athugið. Mikilvægt er að sækja um mötuneyti við Varmárskóla sem fyrst. Sé óskað eftir að nemendur verði í mötuneyti og/eða ávaxtabita í vetur skal sækja um fyrir 1. september. Umsóknir sem berast eftir það, munu taka í gildi 1. október.

Þriðjudaginn 25. ágúst verður Varmárskóli settur. Árgangar 2-10 bekkur mæta á setningu fyrir hádegi og má sjá tímasetningarhér. 1. bekkja nemendur verða boðaðir ásamt foreldrum í viðtöl hjá umsjónarkennurum sem fara fram mánudaginn 24. og 25. ágúst. Kennsla hefst samkvæmt stundaskrá hjá 1.-10. bekk miðvikudaginn 26. ágúst.

Skrifstofa skólans er lokuð frá 20. júní til 6. ágúst 2015. Skólasetning næsta skólaárs 2015-2016 verður þriðjudaginn 25. ágúst og tímasetningar verða auglýstar hér á þessari síðu sem og í Mosfellingi þegar nær dregur. Umsóknir um skólavist og skráningar í frístundasel og mötuneyti fara fram á íbúagátt: https://ibuagatt.mosfellsbaer.is/

Varmártíðindi, fimmta tölublað og jafnframt það síðasta á þessu skólaári er komið út. Í blaðinu má lesa það helsta sem bar af í skólastarfinu á vorönninni. Blaðið má finna hér.

Á hverju ári hafa nemendur í 6.bekk Varmárskóla tekið þátt í vísindaverkefninu ,, Eggjastuð“. Verkefnið felur í sér að pakka tveimur hráum hænueggjum inn í sömu pakkningu þannig að hægt sé að henda þeim fram af svölum án þess að þau brotni. Þetta er hópavinna og aðferðin við að pakka eggjunum er algjörlega frjáls.

Miðvikudaginn 10. júní voru skólaslit í Varmárskóla og að því tilefni var svokölluð karnivalstemning á skólalóðinni. Eins og sjá má á myndunum var ýmislegt skemmtilegt í boði og höfðu flestir gaman af.

Þriðjudaginn 9. júní voru nemendur 10. bekkjar útskrifaðir við hátíðlega athöfn á sal skólans. Að venju var stundin afar hátíðleg og salurinn þétt setinn. Nokkrir nemendur stigu á stokk og fluttu tónlistaratriði auk þess sem Skólakór Varmárskóla söng nokkur lög. Þórhildur Elfarsdóttir skólastjóri flutti hátíðarræðu auk þess sem Sólveig Franklínsdóttir formaður foreldrafélagsins sagði nokkur orð.

Síðasta skóladaginn í vor spiluðu nemendur í 8. bekk saman félagsvist en kennarar þeirra ákváðu að kenna þeim spilið auk þess sem tveir bekkjanna höfðu þegar fengið kennslu á foreldrakvöldi. Spilið gekk vonum framar og krakkarnir skemmtu sér vel. Stefnan er svo að halda áfram spilamennskunni þegar tækifæri gefst næsta skólaár.