logo
  • Virðing -
  • Jákvæðni -
  • Framsækni -
  • Umhyggja

Vikufréttir Varmárskóla

27.01.2023

Þá er þessari umhleypingasömu viku að ljúka, við reynum að láta veðrið trufla okkur sem minnst hér í Varmárskóla enda hafa öll veður sinn sjarma.

Við leggjum mikla áherslu á að hjálpa nemendum okkar að efla sköpunarhæfileika sína, ábyrgðartilfinningu og sjálfstæði. Verkefni sem verið er að vinna í 5. og 6. bekk þar sem nemendur fást við verkefni að eigin vali og ráða hvernig þeir skila þeim, eru einstaklega vel til þess fallin að örva sköpunargleði og efla sjálfstæði. Þá hafa nemendur í útikennslu verið í hugrekkisþjálfun.  Þessir þættir, sköpunargleði, sjálfstæði og hugrekki eru einmitt þættirnir sem byggja upp hjá okkur öllum hina sönnu innri gleði sem er tilfinningin sem fylgir því að upplifa að maður sé duglegur og geti verið stolltur af eigin verkum. 

Við hvetjum ykkur foreldra til að vinna að þessu með börnunum ykkar. Það er svo víða hægt að finna börnum verkefni sem leyfa þeim að upplifa að þau séu dugleg, geti leyst vandamál og tekið ábyrgð. Verkefnin þurfa auðvitað að vera við hæfi hvers og eins en smátt og smátt eykst getan og fátt er betra til að efla sjálfstraustið en vitneskjan um að maður sé fær um að gera hluti.

Með þessari frétt fylgja annars vegar myndir af áhugasviðsverkefnum nemenda í 5.bekk sem sýna vel fjölbreytni verkefnanna og hins vegar tásumyndir úr hugrekkisþjálfun hjá 6.bekk.

Við minnum foreldra svo á að skrá sig í foreldraviðtöl, opnað verður fyrir skráningar á mánudag.

Hafið það gott um helgina

Starfsfólk Varmárskóla

Til baka

Myndir með frétt

Þessi síða notar vafrakökur Lesa meira