Vikufréttir Varmárskóla

Hér koma fyrstu vikufréttir ársins 2023 og við óskum ykkur öllum farsældar og friðar á komandi ári.

Þetta var stutt skólavika hjá nemendum enda erfitt fyrir marga að byrja aftur á venjubundinni dagskrá eftir nokkurra daga frí.

Eins og sjá má á meðfylgjandi myndum eru fjölbreytt verkefni í gangi hjá okkur alla daga. Útikennsla er inn af föstu liðunum í Varmárskóla. Á myndinni úr útikennslunni sem fylgir þessari frétt sést hversu djúpa náttúrupplifun nemendur fá á köldum vetrardögum. Það eru mikil forréttindi fyrir börn sem búa í borgarsamfélagi að fá að upplifa slíkt í skólanum sínum. Nú þá viljum við líka nota tækifærið og minni foreldra á að passa að klæðnaður barna sé í samræmi við veðurfar, því allir fara út á hverjum degi, hvort sem það er útikennsla eða ekki.

Þá er mynd frá heimilisfræðikennslu í fyrsta bekk. Við höldum kannski að það sé alveg sjálfgefið hvernig á að bera sig til við að hnoða brauð, en þegar meður hlustar á leiðbeiningar heimilisfræðikennarans sér maður að svo er alls ekki. Ef maður notar fingurnar klessist allt við þá, en ef maður notar lófann sleppur maður við klessurnar og nær að koma brauðinu saman án þess að tapa meiripartinum af deiginu milli fingranna.

Að lokum er svo mynd af markmiðsverkefni þriðja bekkjar. Þar eru nemendur að læra hvað markmið eru og hvernig þau geta hjálpað manni við að öðlast það sem maður óskar eftir. Þeir setja sér svo markmið og í framhaldinu munu þeir skilgreina hvaða leiðir eru hjálplegar til að ná settu marki.

Allt eru þetta verkefni sem eru líkleg til að koma nemendum til góða hvert svo sem þeir fara í lífi sínu.

Hafið það gott um helgina

Starfsfólkið í Varmárskóla