Vegna gjaldskrárbreytinga

Til  foreldra leik- og grunnskólabarna í Mosfellsbæ.

Breyting verður á gjaldskrám leik- og grunnskóla frá 1. janúar 2023

Gjaldskrár, sem ekki eru bundnar við hækkun skv. vísitölu, hækka 1. janúar í samræmi við verðlagsþróun, eða um 9%. Frá  því dregst 4% hækkun gjaldskráa sem varð á árinu 2022.

Þetta á við um gjaldskrá mötuneytis grunnskóla sem og frístundar sem hækkaðar voru um 4% í ágúst sl. hækka núna um 5%.

Mötuneyti leikskóla hækkar um 9% frá 1. janúar 2023.

Gjaldskrá leikskóla vegna vistunartíma verður óbreytt fyrir 8 tíma vistun og minna. Gjald vegna viðbótarvistunartíma umfram 8 tíma breytist í þá veru að hver hálfur tími, umfram 8 klst. hækkar.

Ef einhverjir óska eftir að minnka vistunartíma í leikskóla frá 1. janúar þá það hægt fram til 27. desember en annars til 20. hvers mánaðar. Breytingaóskir eru gerðar á  Þjónustugátt Mosfellsbæjar, leiðbeiningar má sjá hér.

Jafnframt er sú nýbreytni í vistunartímum að foreldrar geta valið breytilegan vistunartíma innan vikunnar eða mánaðar, þ.e. ekki þurfa allir dagar að vera eins. Eins og áður er lágmarks vistunartími á viku 20 tímar. Breytilegur vistunartími er með þeim fyrirvara að hann er háður samþykki leikskólastjóra þar sem fyrirsjáanleiki þarf að vera til staðar m.t.t. skipulags vinnutíma starfsfólks.

Nýjar gjaldskrár koma inn á heimasíðu Mosfellsbæjar á næstu dögum,  www.mos.is

Með kveðju,

Fræðslu- og frístundasvið Mosfellsbæjar