logo
  • Virðing -
  • Jákvæðni -
  • Framsækni -
  • Umhyggja

Fréttir eftir sumarleyfi 2022

11.08.2022

Það styttist í skólabyrjun. Það hafa orðið nokkrar breytingar á húsnæðismálum okkar frá því í vor og eins og alltaf við slíkar aðstæður fara allskonar keðjur af stað. Brúarland verður ekki notað í vetur sem kennsluhúsnæði fyrir Varmárskóla þar sem að í lok júlí varð ljóst að fara þurfti í framkvæmdir við húsnæðið sem ekki yrði lokið við fyrir skólabyrjun.

Við fengum allar lausu stofurnar sem nú eru á lóðinni til umráða og getum því leyst þetta og teljum að staða okkar verði  mun betri en áður með þessu nýja skipulagi. Starfsemi frístundaselsins færist að mestu í lausu stofurnar á hólnum (þær gráu). Það pláss dugar þó varla til að hýsa alla nemendur frístundar og því gerum við ráð fyrir að frístund 1.bekkjar verði í aðalbyggingu. Hluti nemenda 6.bekkjar mun verða í brúnu stofunum og hinn hlutinn í ,,Kringlunni" og fyrstu stofunni á neðri gangi. Þetta eru elstu nemendurnir okkar og því teljum við best að þeir verði mest á ferðinni.

 

Við höldum því skipulagi sem við settum upp í vor að allir nemendur fari fyrst í mat og svo í frímínútur sem mun verða til mikilla bóta.

 

Það hafa líka verið talsverðar framkvæmdir hér í aðalbyggingunni, búið er að skipta um gólfdúk í aðalanddyri og mála margar stofur og gera fínar. Mest hefur verið unnið í matsalnum og það stendur tæpt að hann verði tilbúinn fyrir skólabyrjun, en það er þá bara spurning um einn til tvo daga.

 

Við hlökkum til að hitta nemendur, og ykkur foreldra, þegar skólastarfið hefst þann 23.ágúst. Þá mæta nemendur á sal skólans. Tímasetningar fyrir hvern árgang verða sendar út í næstu viku.

 

Kveðja

Jóna Benediktsdóttir

skólastjóri Varmárskóla


Til baka

Þessi síða notar vafrakökur Lesa meira