logo
  • Virðing -
  • Jákvæðni -
  • Framsækni -
  • Umhyggja

Betri skólabragur - þemadagar

10.12.2018
Dagana 7.-9. nóvember síðastliðinn voru þemadagar hjá okkur í Varmárskóla. Yfirskrift þemadaganna að þessu sinni var “Betri skólabragur” sem er átaksverkefni Varmárskóla að bæta skólabraginn. Unnið er með samskipti, samkennd, virðingu, jákvæðni og gleði og markmiðið er að minna okkur á að koma vel fram við hvert annað samhliða því að láta gott af okkur leiða.
Dagarnir voru þrír og fór einn dagur í skipulagða starfsemi að bættum skólabrag en hinir tveir fóru í verkefni tengd því að láta gott af okkur leiða.
Í unglingadeildinni unnu nemendur saman eftir árgöngum og völdu árgangarnir sér mismunandi verkefni.
7.bekkur tók að sér verkefnið Jól í skókassa en þá komu nemendur með eina litla gjöf að heiman og pökkuðu gjöfunum í fallega skókassa og loks var því komið til KFUM og KFUK á Íslandi en þeir sjá síðan um að koma gjöfunum í réttar hendur barnanna í Úrkaínu.
8.bekkur perluðu armbönd sem á síðan að selja en ágóðinn af armböndunum á að renna til barna í Jemen. Miðað var við að hver nemandi perlaði 2 armbönd og sala á því samsvarar því að barn í Jemen fái að borða í 30 daga.
9.bekkur útbjó falleg kerti sem seld verða til styrktar góðs málefnis en þeim langaði að styrkja bæði Fjölskylduhjálp og Ásgarð.
10.bekkur ákvað að gefa alla sína vinnu en hluti þeirra fóru annarsvegar á Hjúkrunarheimilið Eirhamra þar sem þau héldu Bingó, spjölluðu við íbúanna og margt fleira skemmtilegt og hinsvegar var farið á leiksskólana Reykjakot og Krikaskóla þar sem 10.bekkingar tóku þátt í starfinu í leikskólunum af fullum krafti. Einnig voru þau með skreytingahópa og fréttahópa sem unnu verkefni hér í skólanum.
Allir dagarnir enduðu á sameiginlegum dansi á sal en síðasta daginn dönsuðu allir nemendur í íþróttasalnum undir handleiðslu Zúmbakennarans Guðnýjar frá Reabock Fitness.
Þemadagarnir gengu frábærlega. Nemendur lögðu sig alla fram og sýndu sínar bestu hliðar.
Þann 6. desember síðastliðinn var svo haldin uppskeruhátíð þar sem foreldrum var boðið að koma og sjá afrakstur þemadaganna, taka þátt í foreldraþingi og eiga góða stund saman.
Til baka

Þessi síða notar vafrakökur Lesa meira