logo
  • Virðing -
  • Jákvæðni -
  • Framsækni -
  • Umhyggja

Kynningafundur 24. janúar kl. 8.15 fyrir foreldra barna í 5.-8. bekk

19.01.2018
Kynningafundur verður haldinn í Varmárskóla þann 24. janúar kl. 8:15 á niðurstöðum könnunar sem Rannsókn og greining gerði á högum og líðan nemenda úr 5. -7. bekk og fram fór í grunnskólunum á vorönn 2017. 
Kynntar verða niðurstöður varðandi líðan nemenda í skóla, samskipti, samveru við foreldra, svefnvenjur, tölvunotkun, og fleira er áhrif hefur á vellíðan ungmenna.

Könnunin var gerð í öllum sveitarfélögum landsins á sama tíma og er það menntamálaráðuneytið sem lætur framkvæma hana. Á fundinum verða kynntar niðurstöður fyrir Mosfellsbæ í heild, höfuðborgarsvæðisins og landsins alls sem og þróun milli ára rakin. 


Kynningin er ætluð foreldrum barna í 5. - 8. bekk. og er það Margrét Lilja Guðmundsdóttir frá Háskóla Reykjavíkur ásamt skólaþjónustu Mosfellsbæjar sem sjá um kynninguna. Skýrsluna í heild má finna hér.


Fundurinn stendur til kl. 9:00 og í boði verður kaffi og rúnstykki frá kl. 8:00. 


Hvetjum foreldra eindregið til að mæta á annan hvorn fundinn og fá innsýn í áhrifaþætti í daglegu lífi barna sinna.


Fundurinn í Varmárskóla verður á sal eldri deildar. 

Til baka

Þessi síða notar vafrakökur Lesa meira