Bollu-og öskudagur og vetrarfrí

Sund fellur niður þennan dag og ekki þarf að mæta með íþróttaföt heldur verða þessir tímar með öðru sniði en vanalega. 

Stundatafla er brotin upp með öskudagsballi og/eða kóngadansi fyrir alla árganga skólans. Einnig er 6. bekkur með söngkeppni á sal.

Vinsamlegast munið að nemendur (sérstaklega í yngri deild) fara út í frímínútur og þurfa því að vera klædd eftir veðri.

Í hádegismat á öskudag verður pizza og geta þeir sem ekki eru skráðir í mötuneytið skráð sig sérstaklega þennan dag. Skráð er hjá ritara og þar er tekið á móti greiðslu, kr. 500. fyrir mánudaginn 16. febrúar .

Allri kennslu lýkur kl. 13:00 þennan dag og skólabíll fer kl. 13.15 og 16.00. Mælst hefur verið til þess að fyrirtæki í Mosfellsbæ byrji ekki að gefa sælgæti/gjafir fyrr en eftir þann tíma. 

Nemendur sem skráðir eru í frístundasel fara þangað eftir kennslu. 

Þeir foreldrar sem vilja fá leyfi fyrir þau börn sem sækja frístundasel þurfa að hafa samband við Guðrúnu forstöðumann frístundasels í síma 693 6721 eða í tölvupósti fristund@varmarskoli.is fyrir kl. 12.00 á öskudaginn.

Við beinum þeim tilmælum til foreldra að fá ekki leyfi fyrir börnin á öskudag. 

Vetrarfrí verður svo fimmtudaginn 19. og föstudaginn 20. febrúar. Skóli hefst að nýju mánudaginn 23. febrúar.