logo
  • Virðing -
  • Jákvæðni -
  • Framsækni -
  • Umhyggja

Kennarar og stuðningsfulltrúar óskast við Varmárskóla

28.06.2012

Vegna tímabundinna leyfa eru lausar stöður grunnskólakennara  og stuðningsfulltrúa við Varmárskóla skólaárið 2012-2013.

Varmárskóli er 50 ára gamall skóli staðsettur við Skólabraut í Mosfellsbæ. Skólinn er í tveimur byggingum og er með um 700 nemendur og 100 starfsmenn. Varmárskóli leggur upp með gildi Mosfellsbæjar sem eru virðing, jákvæðni, framsækni og umhyggja. Skólinn er staðsettur í náttúruparadís og lögð er áhersla á nýtingu umhverfis í námi nemenda. Skólinn er með glæsilega útikennslustofu og í vor flaggaði skólinn Grænfánanum í fyrsta skipti.

Lausar kennarastöður skólaárið 2012-2013:
• Smíða- og tæknimennt. 70-100% afleysingarstaða
• Umsjónarkennslu á miðstigi. 70-100% afleysingarstaða

Menntunar- og hæfnikröfur
• Réttindi til að kenna í grunnskóla eru skilyrði
• Góð tölvukunnátta
• Góð samskiptafærni
• Sjálfstæði í vinnubrögðum

Leitað er eftir grunnskólakennurum sem eru tilbúnir til að vinna í góðu samstarfi með samstarfsfólki, nemendum og foreldrum og hafa góða samskiptahæfileika. Gott er að viðkomandi sé jákvæður, tilbúinn til að takast á við fjölbreyttan nemendahóp og hafi getu til að leysa úr margvíslegum verkefnum tengdum starfinu.

Laun eru samkvæmt kjarasamningi Sambands íslenskra sveitarfélaga og Kennarasambands Íslands. Í báðum tilfellum er um að ræða tímabundna ráðningu til eins árs.

Lausar stöður stuðningsfulltrúa

• Um er að ræða 70-80% stöður á yngsta stigi og miðstigi

Menntunar- og hæfnikröfur
• Stuðningsfulltrúanám er kostur
• Tölvukunnátta er kostur
• Góð samskiptafærni er skilyrði
• Sjálfstæði í vinnubrögðum

Laun eru samkvæmt kjarasamningi Sambands íslenskra sveitarfélaga og Starfsmannafélags Mosfellsbæjar. Ráðið er til eins árs.

Umsóknarfrestur er til 11. júlí 2012

Umsóknir sem greina frá menntun, reynslu og fyrri störfum ásamt meðmælendum skulu berast á netfang Varmárskóla (varmarskoli@varmarskoli.is) .
Nánari upplýsinga veita skólastýrurnar Þórhildur Elfarsdóttir s. 863-3297 (thorhildur@varmarskoli.is) og Þóranna Rósa Ólafsdóttir s. 899-8465 (thoranna@varmarskoli.is)

Við hvetjum fólk af báðum kynjum til að sækja um störfin

Til baka

Þessi síða notar vafrakökur Lesa meira