Heimsókn í 4. bekk frá Rauða krossinum

 Nemendur þekktu greinilega vel til starfsins og höfðu margir hverjir tekið þátt í einhverju af því fjölbreytta starfi sem þar er í gangi. Einnig höfðu margir nemendur haldið tombólu og gefið ágóðann til Rauða krossins. Nemendur voru beðnir um að safna fötum, sem send verða fátækum fjölskyldum í Hvíta Rússlandi og á heimili fyrir fatlaða og munaðarlausa. Nemendur sýndu söfnuninni mikinn áhuga og mættu margir strax með fullan fatapoka á mánudagsmorguninn. Fleiri myndir á myndasíðunni.